الرئيسية » » كنت دايما | رشا فؤاد

كنت دايما | رشا فؤاد

Written By Unknown on السبت، 30 مايو 2015 | 2:47 م

كنت دايما 
تجدل الليل بين فراغك
فضفضات عتمه
مفيش تفسير
بيقسم العلامات
سماواتك لطلوع النهار
ولا فيش وطن
هيساعك ف الضل حدوته
يمكن علشانك محلك سر جوة السرد
مش لاقى لفكرة التأويل براح
مرسوم على فحمك
ألم بينز ع الآخر دموع
خايف لتعيش السكه جوع للتجربه
واما تموت
تلاقى التجربه جنازات
تكتبك ف النعى كافر
يا حسرتك
جوه فراقك فراق
لحظة خطفك
عايش وميت
ميت وعايش عدم
علشان فراغك
عضم ف عضم تكسره العتمه


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.